Bada hamarkada bat makroproiektu hau gelditzeko borroka abian jarri zela, eta hamarkada guzti honetan AHTaren aurkako borrokak momentu ezberdinak jasan ditu. Azpimarragarria da, nola bere egunean AHTaren aurkako mugimenduak sentsibilidade ezberdinetako jendea bildu zuen, mobilizazio dinamikak eta AHTaren inpaktuen sentsibilizazioaren inguruko lan izugarria eginez azpiegitura honen erabilgarritasuna zalantzan jartzen zuen eztabaida soziala lehen mailan ezartzea lortu zuen arte. Gaur egun, “euskal Y” deiturikoaren obrak iada hasita daudenean, ukaezina da AHTaren aurkako borrokak, faktore asko direla medio, intentsitatea murriztu duela eta zentralidade politikoa galdu duela. Hori dela eta, borroka honi bere balioa emateko asmotan ; proeiktuak berak duen garrantziagatik, AHTaren eraikuntza lanen hedaduragatik eta ekonomia neoliberal berri baten sinbolo gisa duen garrantzia dela eta, zuengana zuzentzen gara ausnarketa gisa gai zehatz batzuk plantetzeko :

1. AHTak politika sozial eta ingurumenean dakartzan ondorioak oso larriak izan arren, proiektua gelditzearen aldeko borroka bigarren plano batean gelditu dela uste dugu. Beharrezkoa da gai honen inguruko eztabaida sozialari dagokion neurria berrezartzea. Oraindik aukera dugu AHTaren erabilgarritasunaren inguruko eztabaida berpizteko, berau gelditzeko aurrepausu gisa. Krisi ekonomikoa eta erakuntza lanek duten atzerapena alde batera utzita, Espainiar Estatuak ez du etsi azpiegitura honen inposaketan, eztabaida eta parte hartze soziala ukatuaz. Horregaitik, AHTaren gaia berriz ere aktualitate politikora bueltatzeko deia luzatzen dizuegu.

2. AHTaren aurkako indarrak eta sektore desberdinak biltzeko baldintza sozial eta ekonomikoak ematen direla uste dugu. Proiektu honekn dakartzan ondorio kalte sozial eta ekologikoen mailako erantzuna behar du. Indarrak batzeko garaia da. Gure herrian AHTaren aurkako gehiengo sozial bat badago, gehiengo hori aktibatzeko gai izan behar dugu gizartearen hitza eta erabakia errespatatuak izan daitezen.

Azkenik, Arrasaten egingo den ekainaren 11ko manifestazioa konbokatzeko arrazoiak azalduko ditugu :

AHTak suposatzen duen diru xahuketa salatu nahi dugu. AHTa ekonomia publikoentzako hipoteka bat da. Azken urteetako azpiegitura politiken ondorioz gastu publikoaren igoera neurrigabekoa izan da, gainera hauek ez dute inolako onura ekonomiko ezta sozialik ekarri, eta horrela aitortu zuen Jose Blanco Ministroak iaz azpiegitura publikoen politika sostengaezina zela esatean. AHTa eraikitzeko xahutzen diran baliabide publiko guztiak direla eta, ondorio larriak sortu dira sektore publikoan : osasun zerbitzuen kalitatea gutxitzea eta murrizketak hezkuntza eta zerbitzu sozietan. Nola defenda daiteke gure eskubide sozialak bermatzeko dirurik ez dagoela, aldi berean AHTaren eraikuntza lanetak milaka milioi gastatzen dituztenean ? Enpresari bakan batzuen aberasteko nahiari eta obra honen politika sustatzailei esker, hauen interes pribatuek ongizate publikoaren gain lehentasuna dute, gizartearen prekarizazioa eta mailaketa larrituz.

AHTaren obretan ari diren langileek dituzten lan baldintza negargarriak ere salatu nahi ditugu. Iada 4 pertsona hil dira obretan, 10 ordu baino gehiagoko lan orduak eta lan istripuen prebentziorako neurririk eza gailentzen dira. Administrazioak laneko segurtasuna faltaren eta lan istripuen aurrean begiak ixten ditu. AHTari loturiko lanpostuen sortzea, aberastasuna eta ongizatea gezurra besterik ez dira. Gaur egun espainiar estatua abiadura handiko km. gehien duen estatua izan arren, langabezi tasa altuenak dituena da, eta are gehiago, Europa mailan hazkuntza ekonomikorako aukera gutxien dituen estatua ere bada. Argi dago guzti honetan ondo ez dabilen zerbait dagoela ...

Gure lurraldea suntsitzen ari dela salatu nahi dugu. AHTak naturgune eta ekosistemen txikitzea dakar, milaka lur hektareen okupazioa dakar, eta nola ez, honekin batera, nekazal eta abeltzantza jardueren desagertzea. Horregatik, lurjabeak, baserritarrak, udalak eta kaltetutako herriak gure lurraldea eta gure bizimodua defendatzera deitzen ditugu. AHTa lurraldearen antolakuntza orekatuaren hondamena da, izan ere, erdibidean dauden herri eta eskualdeak izango baitira, nekazal guneekin batera, obra izugarri honen ingurumenaren gaineko eragina jasango dutenak.